ஊருக்கு போறேன்

பணியின் நிமித்தம் குவைத் என்னும் வளைகுடா நாட்டிலே வசித்து வரும்
நான்பிறந்தது கன்னியாகுமரியில்ஆம் ,பிறக்க ஒரு ஊர் பிழைக்க ஒரு ஊர்
தமிழ் நாட்டிலே பிறந்த நான் மட்டும் என்ன விதிவிலக்கா {எல்லாம் பில்டப்தான் }.

ஊரில் இருக்கும்போது வெளிநாட்டில் இருந்து வரும்நபர்களை
பார்த்திருக்கிறேன் தடபுடலாக இருக்கும் ,அவர்களின் வீடே களை
கட்டும் வந்திருப்பவரை கண்காட்சிபொருள் போல் பார்ப்பார்கள் சந்தேகம் வேண்டாம் நான் கிராமத்துக்காரன் ,நானும் அப்டி பார்த்திருக்கிறேன் அப்போதெல்லாம் நினைத்திருக்கிறேன் நானும் இப்படி ஒரு நாள் ப்ளேன் ல வந்து இறங்கணும்னு .சரி விஷயத்துக்கு வர்றேன் .அப்டியே என் வாழ்க்கையிலும் நடந்துவிட்டது ஆமாங்க இது ரெண்டாவது முறையா லீவுக்கு போறேங்க இதுல என்ன விஷயம் ?? இதுல ஒண்ணுமில்ல இருந்தாலும் என் முதல் விடுமுறை
அனுபவத்தை சொல்லணும்போல தோணிச்சு

போறதுக்கு ரெண்டு நாள் முன்னாடி அம்மா கிட்ட போன் பண்ணி
எத்தன மணிக்கு வருவேன் அவுங்க எப்போ வரணும் ,என்ன பொருட்களெல்லாம் வாங்கி இருக்கேன் என்பதை சொன்னேன்,எல்லாவற்றையும் கேட்டுகொண்டே {அழுதாங்க ,சந்தோஷத் துலதான்} எய்யா நல்ல படியா வந்து சேருயா, ன்னு சொல்லிட்டு என்ன சாப்பாடு மக்கா வைக்கணும்ன்னு கேட்டாங்க .நான் ஒரு சா பி {சாப்பாட்டு பிரியன் }பழைய கஞ்சியும் கிழங்கு கரியும்னு சொன்னேன் ,சரி மக்கான்னு சொன்னாங்க .

இப்படியாக பயணம் ஆரம்பிச்சு வீடு போய் சேர்ந்தேன் அனா என்ன கூட்டிட்டுபோக என் அக்காவும் ,அத்தானும் {அக்கா கணவர்} அவர்களுடைய அம்பாசிடர் காரில் வந்திருந்தார்கள் .காலை 6 மணி ஆகி இருந்தது போற வழியில் அக்கா பாசத்திற்காக ஒரு கடையில் சாப்பிட்டோம் ,நல்லபடியாக வீடு வந்து சேர்ந்தேன் ,
வருவதற்கு முன் சில தொலை பேசி அழைப்புகள் எங்கு வந்து கொண்டிருக்கிறோம் என்பதை சொல்லிகொண்டிருந்தார்கள் .வீட்டு முன் வண்டி நின்றது அப்பா, அம்மா ,அண்ணன், அண்ணன் குழந்தைகள் ,தம்பி, கொஞ்சம் ஊர் பெரிசுகள் நின்று கொண்டிருந்தார்கள் எல்லோரையும் பார்த்து ஒரு குசலம் விசாரித்து விட்டு .அப்பா காலை தொட்டு வணங்கி எழும்பியபோது என் அம்மா, என்ன பண்ணுவாங்க ஒரே அழுகைதான் நானும் அது வரை சந்தோஷமாய் இருந்தவன் கண்ணீர் மல்கியது என்பார்களே
அந்த மாதிரி ஒரு சூழல் .எல்லோருக்கும் இனிப்புகளை எடுத்து கொடுத்தார்கள் .
அதே நேரத்தில் அம்மா நான் கேட்டிருந்த சாப்பாட்டை போட்டு வைத்து மொதல்ல சாப்டு மக்கா ன்னு ,சொல்லவே சரி கை கால் கழுகலாம் என்று நினைத்து ,சட்டையை கழற்றி கொண்டிருந்தேன்.
நண்பர்களே நான் இவ்ளோ நேரம் சொல்ல வந்ததே இதுக்காகத்தான்
கொஞ்சம் பொறுமையாக வாசித்து முடித்துவிடுங்கள்,

அந்த நேரத்தில் முதுகிலே லேசாக தட்டி ""டே இந்த நெல்லு மூட்டைய {சுமார் 3 மூட்டைகள் இருக்கும் }எடுத்து வண்டில போட்டுரு"" ன்னு அப்பா சொன்னார் .அப்டி திரும்புனேன்

.அக்காளுக்காக வாங்கி போட்டுருந்துச்சுடே நேத்துதான் நெல்லு காஞ்சுது கெட்டி வச்சோம்னு சொன்னார் பாருங்க .,மனசுக்குள்ளாடி நான் வெளிநாட்டுல இருந்து வந்து ரெண்டு மணிநேரம் கூட ஆகல இங்க என்ன நடக்கு !!!ஒரு மரியாத இல்ல நம்ம இவ்ளோ பெரிய காமெடி பீசோ ?? ன்னு நினச்சேன்,நல்லவேள தம்பி இத பாத்துட்டுவேண்டாண்டே நான் எடுத்து வைக்குறேன்னு சொன்னான் .இருந்தாலும் உதவி செய்தேன்.

அப்போ அத நினைக்க கொஞ்சம் காமெடியாகவே தோன்றியது .ஆனால் அவருடைய பாசத்தை {எங்க போனாலும் நீ எம்புள்ளடா ன்னு} அப்டி காண்பித்திருக்கிறார் என்று நினைத்து கொண்டு எனக்குள்ளே கொஞ்சம் அழுதுகொண்டேன் .இந்த முறை கிடைக்கும் மரியாதையை வரும் பதிவுகளில் சொல்லுகிறேன் .நான் ஊருக்கு போறேன்! ஊருக்கு போறேன்!! ஊருக்கு போறேன் !!!

" புன்னகை மன்னன் "

நிலா முற்றத்தில் தினமும் நின்று
பறக்கும் என் கற்பனை காகிதத்தில்
மலரும் ஓர் அரும்பு கொண்டு
தென்றலின் கரம் பிடித்து -நானும்
சிலகாலமாய் எழுதினேன்


சிறப்பாய் ஒரு கவிதை
'கரங்கள் இன்றி அதை பிரித்து
கண்கள் இன்றி அதை படித்து
புரியாத மனதால் புரிந்து
புன்னகைப்பாய் என் மன்னனே'



அதிகாலையிலே உன்கரம் வந்தடைய
கொடுத்து விட்டேன் நிலாவிடம்
நீயும் வாங்க நினைக்கையிலே!


வீழ்ந்ததே என் கவிதை
மலர்களின் தோட்டத்திலே!
அதை பார்த்த பனித்துளிகள்
ஆர்வமாய் திருடி செல்ல


நனைந்ததே என் கவிதை
இனி நான் என் செய்வேன்?


சூரியனாய் நீ வந்து
பனித்துளிகளை மறைய செய்வாய்
இனி என் கவிதை தோட்டத்தில்
பனித்துளிகள் என்ற
எதிரிகள் இல்லாமல் ---சாஷீ

"வேட்டைக்காரன்"

சற்று தாமதமாகவே படம் பார்க்க நேரிட்டது நண்பர்களிடம் சொல்லவேண்டும் போல்தோன்றியது ,படத்தைப்பற்றிய கருத்து மட்டுமே, இளையதளபதி மேல் எந்த கடுப்பும் கிடையாது.

குருவி ,வில்லு வேட்டைக்காரன் அப்போ அடுத்த படம் பாசிமணி இல்ல ஊசிமணி ங்களா ஆபீசர்??

தலைப்பு வைத்து விட்டோமே என்பதற்காக ஆரம்பத்தில் ஒரு குதிரை சீனில் ஆரம்பித்த படம் ரெண்டு சீன்களிலேயே புரிந்து விட்டது.இந்த கதைய இப்பதானடா எங்கயோபாத்த மாதிரி இருக்குன்னு யோசிச்சா... புரட்சி தளபதி விஷால் {???எங்க போய் சொல்ல }நடிப்பில் வந்த சத்யம்,சீயான் நடிப்பில் வந்த பீமா என்ற இரண்டு மெகா டூப்பர் சூப்பர் ஹிட்!!!!! படங்களை கருத்தில் இல்லை இல்லை கையில் எடுத்து இவருக்கு ஏற்றமாதிரி கலந்தடிக்கிறார்கள் என்று பார்த்தால் சிமென்ட் தூணை உடைப்பதில் ஆரம்பிக்கிற காமெடி க்ளைமாசில் கார் ஸ்டீயரிங்கை கழட்டி வில்லன்களை அடிப்பதுவரை தொடர்கிறது.

தளபதியின் கால்கள் டயலாக் பேசும்போதுமட்டும் தரையில் நிற்கிறது, மனுஷர் பறந்து கொண்டே இருக்கிறார். படத்தின் கதை வேறொன்றுமில்லை "தர்மத்தின் வாழ்வுதனை சூது கவ்வும் இறுதியிதர்மமே வெல்லும் என்ற சூத்திரம்" தான்..முக்கிய செய்தி இந்த கதையை கில்லி படம் வரும்போதே இயக்குனர் சொன்னாராம்.

அந்த சூட்டோடு பல்லி ன்னு எடுத்திருக்கலாம் சரி போட்டு. வடிவேலு அண்ணன் இல்லையே என்ற வருத்தத்தையும் அவரே நீக்கி இருப்பதோடு அவருக்கு சவால் விடும் அளவுக்கு காமெடியில் பின்னி ஒரு முழு நீள நகைச்சுவை படத்தை புத்தாண்டு பரிசாக தந்திருப்பது பாராட்டுக்குரியதே.!!
வடிவேலு வுடன் நடித்த அனுபங்கள் கை கொடுத்திருக்கிறது.

கதாநாயகி "அருந்ததி அனுஷ்கா" மற்றவர்கள் போலவே நாயகனுடன் முதல் ஐந்து சீன்கள் முறைப்பதும்பின்னர் ஆறாவது சீனில் புடிச்சிருக்கு ன்னு சொல்ற தமிழ் சினிமா விதியில் அவர் என்ன பெரிய நடிப்பை காண்பிக்க முடியும்?,ஆனாலும் ஸ்ரேயாவுக்குபோட்டியிடும் அளவுக்கு இடுப்பை ஆட்டவைதிருக்கிரார்கள் வில்லனாக ஒரு பனங்கொட்டை தலயரை நடிக்க வைத்திருக்கிறாகள்.
அவுரு பயம் பயம்னு கதாநாயகன் காதுல சொல்லும்போது விட்டலாச்சாரியா படம் பாக்குறஉணர்வு {கொய்யால கொடும படுத்து ராய்ங்க} நம்மாட்களுக்கா பஞ்சம் வினு சக்கரவர்த்திய {ஆங் }விட்ருந்தா மனுஷன் பின்னிருப்பார்.
சக நடிகர் நடிகைகள் கனகச்சிதமாக அந்த அந்த பாத்திரங்களில் ஜொலிக்கிறார்கள் என்று சொன்னா அது ரொம்ப தப்பு, மாணிக்கவினாயகதுக்கு பதிலா லொள்ளு சபா மனோகர் இருந்தால் படம் விருதை நோக்கி நகர்ந்திருக்கும் என்பது என் கருத்து.

தேவராஜ் என்ற போலீஸ் கதாபாத்திரத்தில் நடிதிருப்பவரை பார்க்கும்போதெல்லாம் வயிற்றில் அஜீரணம் ஏற்படுவது போல் ஒரு உணர்வு. இசையை பொறுத்தமட்டில் தன் பங்கை சிறப்பாக செய்திருக்கிறார் வி.ஆண்டனி.

"கரிகாலன்காலப்போல" பாடலில் கபிலனின் வரிகள் அடிக்கடி முணுமுணுக்க செய்கிறது. நடனத்தில் தளபதி தளபதிதான், பட்டையை கிளப்புகிறார், குறிப்பாக "ஒரு சின்ன தாமரை" பாடலில்அருமையான அசைவுகள் ???!!!!!???!!?? என்னதான் சொல்ல வர்றேன்னு உங்களுக்கு புரிஞ்சிருக்க வாய்ப்பில்ல, .இதான் படத்தின் முடிவு என்ன சொல்ல வந்தாங்கன்னு கடைசி வர புரியல. உங்க நேரத்த வீண்டிசிட்டேன்னு நினைக்குறேன்... மன்னிச்சிக்குங்க.

நான் படம் பார்த்த அன்று தியேட்டரில் கூட்டம் அதிகமாக இருந்ததால் யாருக்கும் தெரியாமல் திரை அரங்கை ஒரு படம் எடுத்தார் உடன் வந்த அண்ணன் பதிவர் "தமிழன் எட்வின் "அது உங்கள் பார்வைக்காக மேலே .{ஹி ஹி மொத்தம் ஏழு பேர் பார்த்தோம் கவுண்டரில் நின்றவர் உட்பட ...இடம் __அஜியால் காம்ப்ளக்ஸ் .பாஹீல் குவைத் }

படம் பார்த்த பார்க்க இருக்கும் நண்பர்களே ஒரு சீன்லயாவது லாஜிக் என்ற விஷயம் இருக்கிறது என்று கண்டு பிடித்தால் சொல்லுங்க {என்னத்த கண்ணையா சொன்னமாதிரி இருக்கு அனா இல்ல } நன்றி மீண்டு{ம்} சந்திப்போம்.